Новости

 

Iди кӱрген айының 12-ҷi кӱнiнде 17.00 часта театрда «Балаган» (16+) ойын полар. Билет садып, чыылған ахча чааҷыларға полызығ пирҷең чыындызар ызылар.

 

Хакас театрының артисттерi 1974 чылда Ленинградтағы театр, кӧг паза кинематография институдын тоосханнаң пеер 50 чыл ирт парған. Ағаа чарыдып, пылтыр «Балаган» ойын турғызылған. Проекттiң режиссёры – Станислав Голодницкий (Кострома город).

 

Культура паза театр искусствозы чонны пiрiктiрче, аар тустарны тобырарға полысча. Илбек Ада чаа тузында даа А.М.Топановтың адынаң Хакас драма театры чонның кӧңнiн кӧдiре алған, Чиңiске iзенiс пирген. Пӱӱнгi кӱнде Россияның тиксi культура сферазы iдӧк Чир-суубыстың алнын алчатхан махачыларыбысха хабасча.

 

Хакас театрның чайаачы ӧмезi республиканың чуртағҷыларын ӧнетiн кӧзiдiге хығырча. Спектакль 1.30 час парар. СВО араласчылары сӧбiрелерiне, театрның кассазынзар азынада айланып, спектакльларға тикке чӧрҷең оңдай пар. Чииттерге Пушкин картазынаң тузаланарға чарир. Хоза искiрiгнi пу номерҷе 8(3902) 22-38-83 тӱптестiрерге.